Sabrina Jabborova ishi sudda yakunlandi

Toshkentda model Sabrina Jabborovaga oid sud ishi yakunlandi, deb nova24.uz xabar berdi. Sud yopiq tartibda o‘tkazilib, tomonlar o‘zaro kelishuvga erishgani uchun jinoyat ishi to‘xtatilgan. Bu holat Jinoyat kodeksining 266-moddasi 1-qismi va 66-moddasi asosida amalga oshirilgan.

Voqea 2024 yil 7 noyabr kuni “Dilbarim” qo‘shig‘iga klip suratga olinayotgan paytda sodir bo‘lgan. Jabborovani “Gelik” avtomobili urib yuborgan, uni voyaga yetmagan aktrisa Sevinch Marufova boshqargan. Jarohatdan so‘ng unga zudlik bilan birinchi tibbiy yordam ko‘rsatilmagan va u 3 litr qon yo‘qotgan. Keyinchalik u shifoxonaga yetkazilib, 9 soatlik operatsiya orqali hayoti saqlab qolingan.

Biroq operatsiyadagi xatoliklar tufayli chap oyog‘i o‘ng oyog‘idan 7 sm uzun bo‘lib qolgan va bu nogironlikka olib kelgan. Uning sog‘lig‘ini tiklash uchun qo‘shimcha operatsiya zarur bo‘lgan. Marufova o‘z bayonotida ayblovlarni rad etib, o‘sha paytda maydonda bo‘lmaganini bildirgan.

U avtomobilni boshqarishni istamaganini, lekin atrofdagilar uni tinchlantirib, kameraga qarashga undashganini, shu bois nazoratni yo‘qotganini aytgan. O‘z harakatlari uchun javob berishga tayyor ekanini, ammo suratga olish guruhining e’tiborsizligini ham tilga olgan.

Voqea jamoatchilikda katta rezonansga sabab bo‘ldi. Jabborova keyinroq Turkiyaga davolanish uchun yuborilgan va 2025 yil 8 may kuni Toshkentga qaytgan. “Zamin”ni Telegramʻda oʻqing!