Rianna ovozi bilan qaytgan Smurflar filmi kutilganday chiqmadimi?

Jahon kinomatografiyasida o‘z o‘rnini topgan klassik qahramonlar orasida Smurflar ham bor. Ularning hayoti, muhabbatga to‘la va baxtli dunyosi ko‘plab bolalar uchun yoqimli tasvirlar sifatida namoyon bo‘lgan. Ammo keyingi paytlarda chiqarilayotgan yangi filmlar ularning shuhratiga munosib bo‘la olyaptimi? Bu savolga javob topish uchun Rihannaning ishtirokidagi navbatdagi “Smurfs” filmiga nazar tashlaymiz, deb The Guardian xabar berdi.

Ushbu yangi animatsion filmda mashhur qo‘shiqchi va aktrisa Rihanna “Smurfette” nomli ayol qahramonga ovoz bergan. Afsuski, u tomoshabinlar kutgan darajada faol emas — uning roli orqali berilgan hissiyotlar ham jiddiy ta’sir qoldirmaydi. E’tiborli tomoni shundaki, filmda musiqa deyarli yo‘q. Bu esa bunday multfilmlar uchun an’anaviy bo‘lgan mazali musiqiy lahzalarni yoqtiruvchilar uchun jiddiy kamchilik hisoblanadi.

Ssenariy muallifi Pam Bredi hisoblanadi — u “South Park” va “Team America: World Police” kabi loyihalardagi ishlari bilan tanilgan. Ammo bu galgi syujet juda ham oddiy, hatto sodda ham deyish mumkin. Faqatgina Razamel va Gargamel nomli yovuz sehrgarlar ishtirok etadigan qisqagina sahnalarda kulgili satrlar bor, xolos. Bu ikki qahramonga J.P. Karliak ovoz bergan va ular filmga biroz jon baxsh etgani rost.

Asosiy voqealar Smurflar qishlog‘ida kechadi. Bu yerdagi qahramonlar orasida o‘zini boshqalardan farqsiz deb hisoblaydigan “No Name Smurf” (Jeyms Korden ovozi) bor. Ammo u asta-sekin o‘zining kosmik va sehrli qobiliyatlarini kashf etadi va bu imkoniyatlar yovuz sehrgarlar tomonidan Ota Smurf (Jon Gudman ovozi) o‘g‘irlab ketilganidan so‘ng katta ahamiyat kasb etadi. Garchi syujet tasviriy jihatdan standart bo‘lsa-da, ba’zi manzaralar va “Sound Effect Smurf” qahramoni orqali berilgan kulgili lahzalar filmga ozgina jon baxsh etgan.

Film umumiy hissiyotlarga qaraganda, bolalar uchun mo‘ljallangan bo‘lsa-da, hikoya juda oddiy va hayajonsiz. Bu esa bolalar kinosi bo‘lsa ham, sifati yuqori bo‘lishi kerak degan qarashga zid keladi. Chunki bolalar ham mazmunli, qiziqarli va dinamik filmlarga arziy

Xulosa qilib aytish mumkinki,“Smurfs” filmi nafaqat kattalar, balki yosh tomoshabinlarni ham to‘liq qoniqtira olmaydigan darajada. Undagi vizual effektlar va ba’zi texnik jihatlar yaxshi ishlangan bo‘lsa-da, yurakka ta’sir qiluvchi voqealar va qalbni qozonadigan mazmun yetishmaydi. Rihannaning ishtirokidagi bunday katta loyiha ko‘proq marketing hiylasiga o‘xshab qolgan.

Film ayni paytda Avstraliyada namoyish etilmoqda va 18 iyuldan Buyuk Britaniya hamda AQShda ekranlarga chiqishi kutilmoqda. “Zamin”ni Telegramʻda oʻqing!