Ozodbek Nazarbekov “ko‘z nuri va vaqtini asrash uchun” Telegram va WhatsApp’ni o‘chirib tashlagan

O‘zbekiston xalq artisti Ozodbek Nazarbekov mobil qurilmalardan imkon qadar kamroq foydalanishga harakat qilmoqda. Bu haqda Shov-shuv.uz sayti xabar bermoqda.

“Ko‘z nurimni asrashim uchun «telegram», «vatsap»ni o‘chirib tashladim. Telefon nafaqat ko‘zga ta’sir qilayapti, balki umrni, vaqtimni ham ko‘p olayapti”, – deydi xonanda.

Nazarbekovning so‘zlariga ko‘ra, u telefon qo‘ng‘iroqlarga “deyarli javob bermaydi”. “Bekorchi qo‘ng‘iroqlar ko‘p bo‘ladi. Muhim ishi bor odam qaysi yo‘l bilan bo‘lsa ham meni topadi”, – deydi xonanda.

Ozodbek Nazarbekov SMS yozmay qo‘yganiga “ancha yil” bo‘lgan; “foydasidan ziyoni ko‘p bo‘lgani”, “kerakmasligi” sabab “hamma yopishib qolgan” Instagram’dan foydalanmaydi, ijtimoiy tarmoqlarga “shunchaki qiziqmagan”.

Manba: www.kun.uz “Zamin”ni Telegramʻda oʻqing!