Selena Gomes to‘y arafasidagi sirli kechasi tafsilotlarini oshkor qildi. Xonanda Benni Blanko bilan nikoh tantanasi oldidan Kobo shahrida o‘tkazilgan bakalavr ziyofatidagi lahzalarini ijtimoiy tarmoqda namoyish etdi, deb yozmoqda Peopletalk.
Mashhur ijrochi do‘stlari bilan birga Meksikaning Kobo-San-Lukas shahrida to‘y oldi bayramiga bordi. U kelinlik mavzusidagi libosda bir qator suratlarini e’lon qildi. Jumladan, “bo‘lajak kelin” yozuvi tushirilgan fota, oq mini sarafan, oq bikini va trikotaj ko‘ylakdagi ko‘zgu selfilari shular jumlasidandir.
Gomes o‘z yozuvida bayram uchun tayyorlangan bezaklar haqida ham so‘zladi: karovati ustiga ilingan “Levin xonim” va “Kelin” deb yozilgan sharlar diqqatga sazovor bo‘ldi. Shuningdek, u videokarusel orqali sayohatning muhim voqealarini namoyish qildi. Rolikda mahalliy musiqachilar Selena va uning mehmonlariga serenada ijro etgani, sham yorug‘ida plyajda kechki ovqat qilingani, so‘ng esa qum ustida “To‘y halokatlari” filmini tomosha qilish sahnalari aks etgan.
Eslatib o‘tamiz, Selena Gomes va Benni Blanko o‘rtasidagi munosabatlar 2023 yil oxirida oshkor bo‘lgan edi. Xonandaning o‘zi birinchi bo‘lib ishqini tan olgani ham ma’lum. 2024 yil yanvarda juftlik ommaviy tadbirlarda birga ko‘rinish berdi. Shu bilan birga, Benni Selenaning sobiq yo‘ldoshi Jastin Biberning yaqin do‘sti ham hisoblanadi. 2024 yil 12 dekabrda esa aktrisa o‘z obunachilariga turmush qurish haqidagi quvonchli xabarni yetkazgan edi.
