Plyushdan yasalgan sensatsiya Labubu katta ekranga o‘tishi mumkin — Sony Pictures so‘nggi yillarda jahon fenomeniga aylangan mashhur qo‘g‘irchoq-monstrlar haqida film yaratish bo‘yicha kelishuvga erishdi. Loyiha hozircha faqat boshlang‘ich bosqichga kirgan, deya xabar beradi The Hollywood Reporter.
Labubu — rassom Kasing Lung tomonidan o‘ylab topilgan va dastlab How2Work tomonidan yaratilgan o‘yinchoqlar seriyasi. Pop Mart 2019 yilda ishlab chiqarishni boshlaganidan keyin, monstrlarning mashhurligi osmonga chiqdi. Dunyo bo‘ylab xaridorlar «ko‘r-ko‘rona quticha» formatida sotiladigan bu figuralarni qidirish uchun haqiqiy ov tashkil qilishmoqda — qutisini ochib, qaysi qahramon tushganini faqat sotib olgandan keyin bilish mumkin.
Talab shunchalik yuqori bo‘ldiki, kolleksiya atrofida qizib turgan ikkinchi bozor paydo bo‘ldi. Kamyob nashrlar, limitlangan seriyalar va kollaboratsiyalar auksionlarda olti raqamli summalargacha sotilmoqda. Yana bir ommalashish to‘lqini mashhurlar tufayli sodir bo‘ldi: Blackpink guruhidan Liza Labubu'ni o‘z obrazining bir qismiga aylantirdi va o‘yinchoqlar bir zumda fashion-inflyuyenserlarning sevimli aksessuariga aylandi.
Endilikda Labubu yangi bosqichga harakatlanmoqda — to‘liq metrajli filmga. Loyihaning hozircha prodyuseri va rejissyori yo‘q, studiya esa film animatsion bo‘ladimi yoki real-kartina bo‘ladimi, bu haqda ma’lum qilmagan. Biroq loyihaning ehtimoliy masshtabi oldin do‘kon tokchalaridan jahon kino premeralarigacha yo‘l bosib o‘tgan boshqa brendlar tarixini eslatmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
