Fahsh ishlarga, zinoga chaqiradigan (turkchami, meksikanikimi, balo-battarmi, farqi yo‘q) seriallarga ovoz berish, dublyaj xizmati uchun haq olish haromdir. Kim unga ovoz bersa, harom ish qilibdi, bolasiga harom luqma yediribdi. O‘sha seriallar efirga uzatilishi yo‘lida ishlaganlar ham harom-nopok ish qilgan bo‘ladi. Ularni avval ham millat xoinlari deb atagandim. Hozir ham millatning eng ashaddiy xoinlari, buzg‘unchi, ikkiyuzlamachi, munofiq kimsalar deb bilaman. Boshqalarni ham jaholatga, razolatga qarshi kurashishga chaqiraman.
Seriallarni zudlik bilan to‘xtatinglar! Aks holda oxiri yomon bo‘ladi!
Qardosh Turkiya bilan aloqalarimiz tiklangani yaxshi, albatta. Lekin bu, ularning ma’nan buzuq, yomonlikka undaydigan seriallarini qo‘yish mumkin degani emas. Turklarda ham bor yaxshi, mazmunli seriallar. Nega ular qolib, aynan shahvatparastlikka moyil qiluvchi, oilalar tinchligini buzadigan, imonga, odob-axloqqa rahna soladigan chiqindi seriallar berilmoqda? Buning ortida kimlar turibdi o‘zi? Qani, mard bo‘lsa, haq bo‘lsa, chiqsin, o‘zini ko‘rsatsin, nima uchun, qanday maqsadda bunday ahmoqona seriallar berayotganini tushuntirsin!
Balki, men noto‘g‘ri ifodalagandirman, balki boshqa sababi bordir. Xullas, ayrim insonlar seriallar haqidagi postimni “Televideniyeda ishlash harom ekan?” deb tushunishyapti. Yo‘q, azizlar, men unday demadim. O‘zMTRKda ishlash harom deb aytmadim. Balki millatimiz sha’nini bulg‘ayotgan, yoshlar odobini buzayotgan, juda ko‘p zarari tegayotgan fahsh aralash seriallarni efirga uzatish, uni tayyorlashda qatnashish joiz emasligi haqida gapirdim.
Ziyovuddin RAHIM
Manba: azon.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina askarlari Zelenskiyning bayonotiga kutilmagan munosabat bildirishdi
Xitoy TIV: AQSH dunyodagi eng yirik dezinformatsiya manbai
103 yoshli italiyalik ayol haydovchi jarimaga tortildi
Isroilda minglab odamlar garovga olinganlarni ozod qilishni talab qildi
Qirg‘iziston prezidenti masjidda namoz o‘qib, iftorlik berdi
Permdagi saylov uchastkasida portlash yuz berdi
Saudi Aramco rahbari yashil energetikaga o‘tish xayolidan voz kechishga chaqirdi
Putin: Rossiyaning yadroviy triadasi boshqalarga qaraganda zamonaviyroq