Oʻzbekiston Rossiyadan 25 ming tonna baliq ovlash kvotasini oldi

Oʻzbekiston va Rossiya joriy yil uchun baliq ovlash kvotalarini kelishib oldi. Bu haqda Oʻzbekiston Qishloq xoʻjaligi vazirligi matbuot xizmati xabar berdi.

Oʻzbekiston baliqchilik kompaniyalariga Rossiya iqtisodiy hududidagi Chukotka, Beringov, Oxotsk, Yaponiya dengizlari hamda Tinch okeanida 5 ming tonna seld va 20 ming tonna minta ovlashga ruxsat berildi. Bu Oʻzbekiston bozoriga yangi va sifatli baliq mahsulotlarini yetkazib berish hajmini sezilarli darajada oshirishga yordam beradi.

Kelishuv Oʻzbekiston qishloq xoʻjaligi vaziri oʻrinbosari Qahramon Yoʻldoshev va Rossiya Federal baliqchilik agentligi rahbari oʻrinbosari Andrey Yakovlev tomonidan imzolandi. Muzokaralarda baliqchilik sohasidagi hamkorlik imkoniyatlari va istiqbollari muhokama qilindi.

Uchrashuv yakunida baliqchilik sohasidagi hamkorlik boʻyicha birinchi qoʻshma komissiya sessiyasining yakuniy bayonnomasi imzolandi. Hujjatda kelgusi yillardagi hamkorlikning asosiy yoʻnalishlari va uni amalga oshirish mexanizmlari belgilandi.