Samarqandda 50 ming dollarlik xalqaro shaxmat turniri bo‘lib o‘tadi

Samarqand shahrida umumiy sovrin jamg‘armasi 50 000 AQSH dollarini tashkil qilgan “Women’s Chess Championship 2025” xalqaro turniri bo‘lib o‘tadi. Bu haqda “UzChess” loyihasi matbuot xizmati xabar berdi.

Turnir 2025-yil 8-19 mart kunlari o‘tkazilishi rejalashtirilgan bo‘lib, u dunyo bo‘ylab taniqli ayol shaxmatchilarni bir joyga jamlaydi. “Women’s Chess Championship” nafaqat shaxmat ixlosmandlari, balki global sport, bilim va gender tengligini targ‘ib qiluvchi muhim tadbir sifatida o‘rin tutadi, deyiladi rasmiy xabarda.

Musobaqa FIDE qoidalariga muvofiq ikkita guruhda o‘tkaziladi. “A” guruhida 1800 va undan yuqori reyting ochkosiga ega shaxmatchilar, “B” guruhida esa 1800 reytingdan kam ochkoga ega ishtirokchilar qatnashadi.

“Zamin” yangiliklarini “Telegram”da kuzatib boring