O‘zbekistonda iste’molchilar uchun ajratiladigan soliq keshbeki miqdori oshirilishi mumkin, deb nova24.uz xabar berdi. Bu haqda Soliq qo‘mitasi raisi birinchi o‘rinbosari Mubin Mirzayev ma’lum qilgan.
Uning aytishicha, biznesni legallashtirish sharti bilan keshbek ikki baravargacha oshirilishi mumkin. Hozirda bu miqdor 1% bo‘lsa, kelgusida uni 2% gacha oshirish imkoniyati ko‘rib chiqilmoqda.
Soliq qo‘mitasi asosiy maqsad sifatida naqd pulsiz to‘lovlarni rag‘batlantirishni belgilagan. Ayni vaqtda budjetga tushayotgan soliqlarning uchdan biri elektron to‘lov tizimlari orqali amalga oshirilmoqda. Bu ko‘rsatkich 60–70% gacha yetkazilishi rejalashtirilgan.
Mirzayevning ta’kidlashicha, to‘lovlar elektron shaklda amalga oshirilsa, soliq to‘lashdan qochish holatlari kamayadi va soliq organlari tomonidan qo‘shimcha hujjat talab qilinmaydi.
2024-yil 1-oktabrdan boshlab umumiy ovqatlanish, mehmonxona va turistik xizmat ko‘rsatish sohalarida NDS qaytarish tartibi joriy qilingan. Qaytarish miqdori naqd pulsiz to‘lovlar ulushiga qarab 20% dan 40% gacha yetadi.
Mirzayevga ko‘ra, agar bu choralar ijobiy natija bersa, keshbek boshqa sohalarga ham tatbiq etilib, miqdor 2% gacha oshirilishi mumkin.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
