Toshkentda duatlon chempionati 27 aprelga ko‘chirildi

Toshkent shahrida o‘tkazilishi rejalashtirilgan O‘zbekiston duatlon chempionati 27 aprelga ko‘chirildi, deb shahar hokimligi ma’lum qildi, nova24.uz yozadi.

Mazkur qaror 2025-yil 4–9 aprel kunlari Toshkentda o‘tkaziladigan 150-Xalqaro Parlamentlararo Ittifoq Assambleyasi munosabati bilan qabul qilindi. Ushbu yirik xalqaro tadbir sababli xavfsizlik choralarining kuchaytirilgani bois musobaqa joyi yopilgan.

Avval olingan start raqamlari va paketlar musobaqada ishtirok etish uchun amal qiladi.

5 aprel kuni paketni olib ulgurmaganlar uchun qo‘shimcha tarqatish tashkil etiladi. Agar ishtirokchilar 27 aprelda qatnasha olmasa, ularga 100% pul qaytariladi. “Zamin” yangiliklarini “Telegram”da kuzatib boring