O‘zbekistonning davlat qarzi $42,4 mlrdga yetdi

2025-yil 1-aprel holatiga ko‘ra, O‘zbekistonning davlat qarzi $42,4 milliardga yetdi, deb Kursiv nashri xabar berdi. Iqtisodiyot va moliya vazirligi ma’lumotlariga ko‘ra, bu ko‘rsatkich yil boshidan beri $2,2 milliardga oshgan.

Qarzning asosiy qismi tashqi qarzdan iborat — $35,5 milliard. Ichki qarz esa $6,8 milliardni tashkil qilgan.

Asosiy kreditorlar sifatida Osiyo taraqqiyot banki (OTB) va Jahon banki (JB) ko‘rsatilgan. Ularning hissasi $15,1 milliardni tashkil etadi.

Birinchi chorakda qarzlarning eng katta qismi — $16,8 milliard — davlat byudjetini qo‘llab-quvvatlashga sarflangan. Shuningdek, yoqilg‘i-energetika sohasiga $5,9 milliard, neft-gaz tarmog‘iga esa $1,7 milliard yo‘naltirilgan. “Zamin”ni Telegramʻda oʻqing!