O‘zbekistonda qurilish hajmi 10 trln so‘mga oshdi

O‘zbekiston Statistika qo‘mitasi ma’lumotlariga ko‘ra, 2025 yilning yanvar–aprel oylarida bajarilgan qurilish ishlari hajmi 74 trillion so‘mga yetdi, deb xabar berdi UPL.uz. Bu ko‘rsatkich o‘tgan yilning shu davriga nisbatan 10 trillion so‘mga ko‘p.

51,6 trillion so‘mlik binolar, turar joylar va boshqa ob’ektlar qurilgan. Shu bilan birga, ijtimoiy maqsadlar uchun — maktab, shifoxona va boshqa obyektlar — 14,4 trillion so‘m sarflangan. Maxsus qurilish ishlari esa 7,9 trillion so‘mni tashkil etdi.

Bunday o‘sish infratuzilma investitsiyalarining oshishi, shaharlar rivoji va yangi binolarga bo‘lgan talabning kuchayishi bilan bog‘liq. Qurilish kompaniyalari to‘liq quvvatda ishlamoqda, mamlakat bo‘ylab yangi uy-joy majmualari, yo‘llar va ijtimoiy ob’ektlar barpo etilmoqda.

Qurilish sohasi O‘zbekiston iqtisodiyotida muhim rol o‘ynaydi. Yangi binolar hayot sifatini yaxshilab, minglab ish o‘rinlari yaratmoqda. Shuningdek, bu sohaning o‘sishi qurilish materiallari ishlab chiqarishiga ham ijobiy ta’sir ko‘rsatmoqda.

2025 yilda O‘zbekistonda ekologik materiallardan foydalanilgan bir nechta yirik turar joy majmualarining qurilishi boshlangan va bu sohada yangi trendga aylangan. “Zamin”ni Telegramʻda oʻqing!