O‘zbekistonda limon narxi 65 foizga oshib, har kilogrammi 70 ming so‘mga yetdi, deb nova24.uz xabar berdi. 2024 yil iyun oyiga nisbatan narxlar uch barobar oshgan. Argentinalik limonlar hozirda 53 ming so‘mdan sotilmoqda, mahalliy limonlar esa 70 ming so‘mgacha yetgan.
Bu holatga sabab — Turkiyada limon hosilining past bo‘lishi bo‘ldi. Turkiya O‘zbekiston uchun asosiy yetkazib beruvchi hisoblanadi. Limon narxi bozorlarda 3–4 baravar oshgani eksport-import munosabatlariga ham ta’sir qildi. Aprel oyida eksportni cheklash bo‘yicha qaror qabul qilinmoqchi bo‘ldi, biroq bosimlar sabab bekor qilindi. May oyida narx 60 turk lirasi atrofida bo‘lgan.
O‘zbekistonda talab yuqori bo‘lib, yetkazib berish cheklanganligi sababli, hatto Argentinadan limon olib kelish foydaliroq bo‘lgan. Shunga qaramay, umumiy narx oshib ketdi. May oyiga kelib issiqxonada yetishtiriladigan “Meyer” navi tugagan va yangi hosil faqat avgustda kichik hajmda chiqadi. Shuning uchun narxlar faqat oktabrda tushishi kutilmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
