2026 yildan boshhlab transport vositalari egalariining fuqarolik javobgarligini majburiy sug'urta qilish bo'yicha sug'urta qoplami 80 mln so'mgacha (amalda 40 mln so'm) oshiriladi. 2026 yil 1 apreldan esa Yagona sug'urta billing tizimi joriy etiladi, deb «Gazeta.uz» xabar berdi.
Vazirlar Mahkamasining 2025 yil 23 iyuldagi «O'zbekiston Respublikasi prezidentining «Sug'urta xizmatlari bozorini yanada rivojlantirishning kompleks chora-tadbirlari to'g'risida» 2024 yil 1 martdagi [PQ-108-son] qarori ijrosini ta'minlash chora-tadbirlari haqida»gi 458-son qaroriga ko'ra, transport vositalari egalariining fuqarolik javobgarligini majburiy sug'urtasiga tegishli o'zgartirishlar kiritildi.
Ushbu qaror bilan sug'urta tariflari qayta ko'rib chiqilib, sug'urta summalari va mukofotlari bozor tamoyillariga muvofiqlashtirildi. Sug'urta summasi 2026 yil 1 yanvardan boshhlab 80 mln so'mgacha oshiriladi, bu YTH natijasida jabrlangan shaxslarning mol-mulkiga, hayotiga va sog'lig'iga etkazilgan zararlarni qoplash uchun talab qilingan mablag'ni moslashtirishga xizmat qiladi.
Haydovchilar soniga qarab cheklangan va cheklanmagan politsalarni rasmiylashtirish mexanizmi belgilandi. Majburiy sug'urtalash majburiyatining bajarilishini nazorat qilish uchun mas'ul organlar va Yagona avtomatlashtirilgan axborot tizimini yuritish tartibi aniqlashtirildi.
2026 yil 1 apreldan Yagona sug'urta billing tizimi joriy etiladi, bu politsalarni rasmiylashtirishda sug'urta mukofotlari tushumlarining markazlashtirilgan hisobini yuritishni ta'minlaydi.
“Zamin”ni Telegramʻda oʻqing!
