O‘zbekistonda tungi shovqin uchun jarima oshiriladi

1 daqiqa o'qish3.6K
O‘zbekistonda tungi shovqin uchun jarima oshiriladi

O‘zbekistonda tungi osoyishtalikni buzgan fuqarolar va mansabdorlar endilikda sezilarli miqdorda jarima to‘lashlari mumkin. Qonunchilik palatasi “Tungi tinchlikni buzganlik uchun javobgarlik kuchaytiriladi” degan mazmunda qonun loyihasini birinchi o‘qishda qabul qildi.

Hujjatga ko‘ra, yaqin orada respublika hududida dam olish va ish kunlari uchun alohida tartibda “tinchlik soatlari” joriy etilishi kutilmoqda. Unga asosan dam olish kunlari, ya’ni shanba va yakshanba kunlari tungi osoyishtalik 22:00 dan 09:00 gacha, ish kunlarida esa 23:00 dan 06:00 gacha davom etadi.

Bu vaqt oralig‘ida baland ovozda musiqa tinglash, uy yoki bino ta’mirlash, shuningdek, boshqa shovqinli ishlar bilan shug‘ullanish taqiqlanadi. Qonun kuchga kirgach, ushbu qoidalarga amal qilmaganlar moliyaviy javobgarlikka tortiladi.

Loyihada belgilanishicha, fuqarolarga 5 baravar bazaviy hisoblash miqdoriga (hozirgi hisobda taxminan 2 million so‘m) jarima qo‘llaniladi. Mansabdor shaxslar uchun esa bu miqdor 15 BHMga, ya’ni 6 million so‘mdan oshadi.

Amaldagi qonunga muvofiq, hozirda tungi tinchlikni buzganlik uchun faqat 113 ming so‘m miqdorida jarima belgilangan. Yangi qonun kuchga kirsa, bu raqam qariyb 18 barobarga ortadi.

Mutaxassislarning fikricha, bu o‘zgarishlar fuqarolarning shaxsiy hayotiga hurmat bilan yondashish, dam olish huquqlarini himoya qilish va jamoat tartibini mustahkamlashga xizmat qiladi.

Qonun hozirda keyingi o‘qishlar jarayonida ko‘rib chiqilmoqda. U qabul qilinsa, O‘zbekistonda tinchlikni buzish endi faqat axloqiy emas, balki jiddiy huquqbuzarlik sifatida baholanadi

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?