O‘zbekistonda avgust oyining so‘nggi haftasi issiq va quruq ob-havo bilan o‘tadi. O‘zgidrometning rasmiy ma’lumotlariga ko‘ra, 25–28 avgust kunlari respublika bo‘ylab asosan biroz bulutli, yomg‘irsiz ob-havo kuzatiladi. Shamol asosan sharqdan esadi va ba’zi hududlarda kuchayishi mumkin.
Poytaxt Toshkentda havo asosan musaffo va biroz bulutli bo‘ladi. Yog‘ingarchilik kutilmaydi. Shamol sharq yo‘nalishidan 3–8 m/s tezlikda esadi. Harorat kechasi 20–22 daraja atrofida bo‘lsa, kunduzi 36–38 darajagacha ko‘tariladi.
Qoraqalpog‘iston va Xorazm viloyatida ham ob-havo quyoshli kechadi. Yog‘ingarchilik ehtimoli yo‘q. Shamolning tezligi 7–12 m/s atrofida bo‘ladi. Havo harorati kechasi 15–20 daraja, kunduzi esa 32–37 daraja ichida bo‘ladi.
Buxoro va Navoiy viloyatlarida sharqdan shamol 7–12 m/s tezlikda esadi. Ayrim joylarda uning kuchi 13–18 m/s gacha yetib, chang-to‘zonlarni ham keltirib chiqarishi mumkin. Harorat kechasi 17–22 daraja, kunduzi esa 34–39 darajagacha ko‘tariladi.
Toshkent, Sirdaryo, Jizzax va Samarqand viloyatlarida ham shunga o‘xshash holat kuzatiladi. Shamolning kuchayishi ba’zi joylarda chang ko‘tarilishiga sabab bo‘lishi mumkin. Harorat tunda 17–22 daraja, kunduzi esa 34–39 darajagacha yetadi.
Qashqadaryo va Surxondaryoda havo ancha issiq kechishi kutilmoqda. Shamol 7–12 m/s tezlikda esib, ba’zi hududlarda 13–18 m/s gacha kuchayishi mumkin. Harorat kechasi 18–23 daraja, kunduzi esa 35–40 darajagacha chiqadi.
Farg‘ona vodiysi — Andijon, Namangan va Farg‘ona viloyatlarida ham asosan quyoshli ob-havo bo‘ladi. Shamol sharqdan 7–12 m/s tezlikda esib, ayrim joylarda kuchayishi ehtimol qilinadi. Harorat kechasi 16–21 daraja, kunduzi esa 33–38 daraja ichida bo‘ladi.
Tog‘li va tog‘oldi hududlarda ham ob-havo musaffo bo‘lib, yog‘ingarchilik kutilmaydi. Shamolning tezligi 7–12 m/s bo‘lib, ba’zi nuqtalarda 13–18 m/s gacha kuchayishi mumkin. Havo harorati kechasi 12–17 daraja, kunduzi esa 25–30 daraja atrofida bo‘ladi.
“Zamin”ni Telegramʻda oʻqing!
