Shahar hokimi qaroriga ko‘ra, Toshkentdagi maktablarda yangi tajriba boshlanadi. Olmazor tumanidagi 31 ta maktabning 250 ta sinfida videokuzatuv kameralar o‘rnatiladi, deb xabar berdi Uz24.
Ushbu kameralar sun’iy intellekt bilan ishlovchi Smart School dasturi orqali bolalarning darsga qiziqishi, qatnashishi va o‘qituvchilar ishining samaradorligi baholanadi. Dastur faqat kuzatuv bilan cheklanmay, kelajakda poytaxt maktablarining 10 va 11-sinf xonalarida ham joriy qilinishi rejalashtirilgan.
Maqsad – bolalarning ruhiy holatini aniqlash, ta’lim sifatini oshirish va o‘qituvchilarni qo‘llab-quvvatlash. Shu yo‘l bilan har bir bola uchun xavfsiz va qulay ta’lim muhiti yaratish ko‘zda tutilgan. Bu yangi tashabbus o‘quv jarayonini yanada sifatli va samarali qiladi.
Sizningcha, bunday texnologiya o‘quvchilarning ruhiy salomatligini himoya qilishda qanchalik yordam beradi?
“Zamin”ni Telegramʻda oʻqing!
