O‘zbekistonda eng mashhur milliy taomlardan biri — palov narxlari bo‘yicha yangi hisobot e’lon qilindi. Statistika agentligining avgust oyi tahlillariga ko‘ra, palovning bir kilogrammi turli hududlarda turlicha baholangan.
Poytaxt Toshkent yana bir bor eng qimmat palov bilan yetakchiga aylandi. Rasmiy hisobotga ko‘ra, bir kilogramm palovning o‘rtacha bahosi 117 ming 400 so‘mni tashkil etgan. Qizig‘i shundaki, ortidan ko‘p vaqt o‘tmasdan, shu yilning fevral oyida narx 10 ming so‘mga arzonroq edi.
Eng qimmat narxlar bo‘yicha kuchli uchlikka Toshkent viloyati (113,6 ming so‘m) va Farg‘ona viloyati (115 ming so‘m) kirdi. Samarqandda ham bu ko‘rsatkich 113,4 ming so‘mni tashkil etgani qayd etilmoqda.
Eng arzon palov esa Qoraqalpog‘istonda qayd etildi. U yerda kilogramm palovning o‘rtacha bahosi 98 ming 600 so‘mdan oshmagan. Andijonda narx 105,5 ming so‘m, Sirdaryoda esa 105,7 ming so‘m bo‘lib, palov xarid qilish nisbatan arzonroq hisoblanadi.
Qolgan viloyatlardagi palov narxlari quyidagicha bo‘ldi:
– Buxoro — 108,4 ming so‘m,
– Jizzax — 110 ming so‘m,
– Qashqadaryo — 111,7 ming so‘m,
– Surxondaryo — 111,5 ming so‘m,
– Navoiy — 110 ming so‘m,
– Namangan — 109,4 ming so‘m,
– Xorazm — 107 ming so‘m.
Mutasaddilar ta’kidlashicha, narxlardagi farq asosan mahsulotning bozordagi bahosiga, ayniqsa, go‘sht va sabzavot narxlariga bog‘liq. Shu bilan birga, hududlardagi iste’mol odatlari ham palovning umumiy tannarxiga ta’sir ko‘rsatadi.
Shu tariqa, Toshkent palovning eng qimmat baholari bilan birinchi o‘rinda qolsa, Qoraqalpog‘iston eng arzon palov taklif qilayotgan hudud sifatida qayd etildi.
“Zamin”ni Telegramʻda oʻqing!
