2025-yil 8-sentabr holatiga ko‘ra, O‘zbekiston pasporti Henley Passport Index reytingida 72-o‘rinni egalladi, deb Kursiv Media xabar berdi. Bu joriy yil iyul oyi oxirida qayd etilgan 74-o‘ringa nisbatan yaxshilangan ko‘rsatkichdir.
Mazkur indeks 199 ta pasport va 227 ta davlatni vizasiz sayohat imkoniyatlariga qarab baholaydi. Reyting har chorakda yangilanadi.
O‘zbekiston pasporti egalariga 62 ta davlatga vizasiz kirish imkoniyati mavjud. Reytingda qo‘shni o‘rinlarda Mozambik (72-o‘rin) va San-Tome va Prinsipi (73-o‘rin) joylashgan.
Singapur hanuzgacha reytingda yetakchilik qilmoqda — bu davlat pasporti egalariga 193 ta davlatga vizasiz kirish mumkin. Keyingi o‘rinlarda Janubiy Koreya va Yaponiya bor.
Reyting oxirida Iroq (96-o‘rin), Suriya (97-o‘rin) va Afg‘oniston (98-o‘rin) qayd etilgan.
“Zamin”ni Telegramʻda oʻqing!
