O‘zbekiston benzin narxi bo‘yicha arzon davlatlar safida

“Ranking.kz” ma’lumotiga ko‘ra, 2025-yil 14-sentyabr holatiga ko‘ra, O‘zbekistonda bir litr benzinning o‘rtacha narxi $0,98 (taxminan 12 000 so‘m) bo‘lib, mamlakat 127 davlat orasida 30-o‘rinni egalladi, deb Uz24.uz xabar berdi.

Benzin eng arzon bo‘lgan davlatlar qatorida Liviya, Misr, Quvayt, Jazoir va Qozog‘iston bor. Eng qimmat benzin esa Myanma, Gonkong va Islandiyada kuzatilgan.

397 ta shahardan tuzilgan reytingga ko‘ra, Toshkent arzon benzin bor shaharlar orasida 90-o‘rinni egallagan. Poytaxtda benzinning o‘rtacha narxi — $0,99.