Qamchiq dovonida zamonaviy turizm hududi quriladi

Namangan viloyatining Qamchiq dovoni hududida zamonaviy kanatli yo‘l va dam olish majmuasi quriladi, deb Kursiv media yozmoqda.

Ma’lum qilinishicha, mazkur loyiha 90 gektar maydonni qamrab oladi. Qurilish ishlarini Doppelmayr/Garaventa Group kompaniyasi amalga oshiradi.

13-oktyabr kuni Namangan viloyati hokimi Shavkatjon Abdurazzoqov ushbu kompaniya vakillari — Yoxannes Triyebnik, Valeriy Yashin va Yevgeniy Kuprin bilan uchrashdi. Tomonlar loyiha doirasida barpo etiladigan obyektlar va hamkorlik yo‘nalishlarini muhokama qilishdi.

Loyihani Namanganlik tadbirkor Jobirxon Kamalitdinov rahbarlik qilayotgan Aisha Group kompaniyasi moliyalashtirmoqda.

Ma’lumot uchun, Doppelmayr/Garaventa Group — Avstriya va Shveysariyada joylashgan, kanatli yo‘llar, gondolalar, liftlar hamda tashish tizimlarini ishlab chiqaruvchi yirik kompaniyalar guruhi hisoblanadi. U 96 mamlakatda 15 mingdan ortiq loyiha amalga oshirgan.