Yevropa bilan yangi tarixiy bosqich: Shavkat Mirziyoyev Bryusselga yoʻl oladi

1 daqiqa o'qish299
Yevropa bilan yangi tarixiy bosqich: Shavkat Mirziyoyev Bryusselga yoʻl oladi

Oʻzbekiston prezidenti 2025 yil 24 oktabr kuni Bryussel shahriga rasmiy tashrif buyuradi. Safar doirasida Yevropa Ittifoqi bilan Kengaytirilgan sheriklik va hamkorlik toʻgʻrisidagi bitim (KSHHB) imzolanishi kutilmoqda. Bu haqda Euronews xabar berdi.

Ushbu hujjat siyosiy muloqot, savdo va xavfsizlik sohasidagi hamkorlikni yangi bosqichga olib chiqishi, ikki tomonlama munosabatlarni mustahkamlashi hamda islohotlar va barqaror rivojlanish jarayonlarini qoʻllab-quvvatlashi rejalashtirilgan.

Maʼlumotlarga koʻra, bitim ikki tomonning islohotlar yoʻlidagi intilishini, iqtisodiyotni modernizatsiya qilish va xalqaro maydondagi hamkorlikni yanada chuqurlashtirish niyatini tasdiqlaydi. Shuningdek, mazkur kelishuv joriy yil noyabr oyida Toshkentda boʻlib oʻtadigan “Yevropa Ittifoqi — Markaziy Osiyo” investitsiya forumi kabi tashabbuslar uchun muhim zamin yaratadi.

KSHHB Yevropa Ittifoqi va Oʻzbekiston oʻrtasidagi munosabatlarni rivojlantirishda zamonaviy huquqiy asos boʻlib xizmat qilishi kutilmoqda. U savdo, iqtisodiyot, fan, taʼlim, ekologiya va innovatsiyalar sohasidagi hamkorlikni yangi yoʻnalishlarda kengaytirishi koʻzda tutilgan.

Oʻzbekiston Tashqi ishlar vazirligi taʼkidlashicha, Kengaytirilgan sheriklik va hamkorlik toʻgʻrisidagi bitim 1996 yilda imzolangan ilk shartnomaning oʻrnini bosadi va bu mamlakat taraqqiyotining yangi bosqichini namoyon etadi. “Ushbu hujjat mamlakatimiz soʻnggi yillarda siyosiy, iqtisodiy va institutsional jihatdan qay darajada oldinga siljiganini koʻrsatadi”, — deyiladi vazirlik izohida.

Ekspertlar fikricha, bu kelishuv nafaqat Yevropa bilan munosabatlarni sifat jihatidan yangi bosqichga olib chiqadi, balki Oʻzbekistonning xalqaro maydondagi nufuzini ham oshiradi. Bryussel bilan imzolanadigan hujjat mamlakatni global iqtisodiy jarayonlarga yanada chuqurroq integratsiya qilishga xizmat qiladi.

Yangi bitim — bu nafaqat siyosiy qadam, balki Oʻzbekistonning islohotlar, ochiqlik va barqaror rivojlanish yoʻlidagi qatʼiy qadamlari tasdigʻidir.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?