O‘zgidromet ma’lumotlariga ko‘ra, 3 noyabr kuni O‘zbekistonning ko‘p hududlarida havo o‘zgaruvchan bo‘lib, ayrim joylarda yomg‘ir yog‘ishi kutilmoqda.
Poytaxt Toshkentda kechga borib yomg‘ir yog‘ishi ehtimoldan xoli emas. Shamol g‘arbdan 3–8 m/s tezlikda esadi. Harorat kechasi 8–10, kunduzi 14–16 daraja bo‘ladi.
Qoraqalpog‘iston va Xorazmda ham havo o‘zgaruvchan, ba’zi hududlarda yomg‘ir yog‘ishi mumkin. Harorat kechasi 0–5, kunduzi 9–14 daraja oralig‘ida bo‘ladi.
Buxoro va Navoiy viloyatlarida tunlari quruq, kunduzi esa ayrim joylarda yomg‘ir yog‘adi. Harorat 3–8 daraja iliqdan 11–16 darajagacha bo‘lishi kutilmoqda.
Toshkent, Sirdaryo, Jizzax va Samarqand viloyatlarida kechga yaqin yomg‘ir yog‘ishi mumkin. Harorat kunduzi 15–20 daraja, kechasi 5–10 daraja bo‘ladi.
Qashqadaryo va Surxondaryoda havo o‘zgaruvchan, ayrim joylarda yomg‘ir, chang-to‘zon va shamol kuchayishi ehtimoli bor. Harorat kunduzi 16–22 darajagacha ko‘tariladi.
Farg‘ona vodiysida — Andijon, Namangan va Farg‘ona viloyatlarida — havo biroz bulutli, lekin yog‘ingarchilik kutilmaydi. Harorat kunduzi 15–20 daraja bo‘ladi.
Tog‘da va tog‘oldi hududlarda esa yomg‘ir, ayrim joylarda qor yog‘ishi mumkin. Harorat kechasi 0–5, kunduzi 5–10 daraja bo‘lishi prognoz qilingan.
Sinoptiklar noyabrning ilk haftasida havo sovib, ayrim viloyatlarda namlik ortadi, deb bildirmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
