Ma’lumotlarga ko‘ra, mamlakatning katta qismida yog‘ingarchilik kutilmaydi.
Qoraqalpog‘iston va Xorazm viloyatida havo asosan bulutli bo‘lib, shamol sharqdan 7–12 m/s tezlikda esadi. Harorat tungi soatlarda 3–8 daraja sovuq, kunduzi esa 7–12 daraja iliq bo‘lishi prognoz qilingan.
Buxoro va Navoiy viloyatlarida ham havo quruq bo‘ladi. Harorat kechasi 0–5 daraja sovuq, kunduzi 10–15 daraja iliq.
Toshkent, Samarqand, Sirdaryo va Jizzax viloyatlarida osmon o‘zgaruvchan bo‘lib, yog‘ingarchilik kutilmaydi. Harorat tungi paytda 2 daraja sovuqdan 3 daraja iliqqacha, kunduzi 10–15 daraja iliq bo‘ladi.
Qashqadaryo va Surxondaryoda ob-havo biroz bulutli, lekin quruq bo‘ladi. Kechasi 0–5 daraja, kunduzi 12–17 daraja iliq havo kuzatiladi.
Andijon, Namangan va Farg‘onada ham quyoshli va barqaror ob-havo saqlanadi. Harorat kechasi 2 daraja sovuqdan 3 daraja iliqqacha, kunduzi 10–15 daraja iliq bo‘ladi.
Tog‘oldi va tog‘li hududlarda yog‘ingarchilik kutilmaydi, ammo Toshkent viloyatining 2000 metrdan yuqori qismida qor ko‘chishi xavfi mavjud. Harorat kechasi 0–5 daraja sovuq, kunduzi 2–7 daraja iliq bo‘ladi.
Sinoptiklar fuqarolarni havo sovuqlashishi va tog‘li hududlardagi xavfli holatlar sabab ehtiyotkor bo‘lishga chaqirmoqda.
“Zamin”ni Telegramʻda oʻqing!
