Bugun Guliston shahri, G‘ijduvon va Bo‘ka tumanlarida Xalq deputatlari mahalliy kengashining kechiktirilmasdan sessiyasi tashkil etildi. Tanqidiy va tahliliy ruhda o‘tgan yig‘ilishlarda viloyat rahbarlari bevosita qatnashib, hududlardagi kamchiliklarni keskin muhokama qildilar.
Rahbarlar faoliyatiga qoniqarsiz baho
Muhokamada asosan kambag‘allikni qisqartirish, aholi bandligini ta’minlash hamda yangi sarmoyaviy loyihalarni hayotga tatbiq etish masalalarida shahar va tumanlarning avvalgi birinchi rahbarlarining sa’y-harakatlari qoniqarsiz deb baholandi. Uchala hududda ham aynan shu sabablar tufayli tashkiliy masala ko‘rildi va tegishli qarorlar qabul qilindi.
Yangi tayinlovlar
Guliston shahar hokimi lavozimidan ozod etilgan Xojimanov Jamoliddin Xusniddinovich o‘rniga Sirdaryo viloyati IIB boshlig‘ining birinchi o‘rinbosari lavozimida ishlagan O‘ktamjonov Farrux O‘ktamjonovich tayinlandi.
G‘ijduvon tumaniga sobiq hokim Ashurov Sherzod Raximovich o‘rniga «G‘ijduvon» erkin iqtisodiy zonasi direksiyasi direktori vazifasida ishlab kelgan Umarov Farhod Baqoyevich tuman hokimi lavozimiga tasdiqlandi.
Bo‘ka tumanida ham Begmatov Baxtiyor Paxriddinovich vazifasidan ozod qilinib, uning o‘rniga Parkent tumani hokimi vazifasida ishlagan Isoqulov Sardor Dadajonovich nomzodi tasdiqlandi.
Ushbu keskin o‘zgarishlar rahbarlardan ijtimoiy-iqtisodiy masalalarda yuqori natijadorlik talab etilishidan dalolat beradi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
