O‘zbekistonga o‘qish uchun kelgan xorijliklar soni 50%ga oshdi, eng ko‘p qayerdan kelishyapti?

2025 yilning yanvar–oktyabr oylarida 33 287 nafar chet el fuqarosi O‘zbekistonga o‘qish maqsadida keldi. Bu o‘tgan yilga qaraganda 51,5 foizga ko‘p. Milliy statistika qo‘mitasining ma’lumotiga ko‘ra, bu holat 2024 yilning mos davriga nisbatan 11 307 nafarga ko‘p.

O‘zbekistonda oliy ta’lim olayotgan xorijliklar orasida eng katta ulush Hindiston va Turkmaniston fuqarolariga to‘g‘ri keladi. Hindistondan 14 322, Turkmanistondan esa 8 348 nafar talabalar kelgan. Shundan tashqari, Tojikiston, Pokiston, Xitoy va boshqa mamlakatlardan ham talabalar kelib o‘qimoqda.

Bu tendensiya O‘zbekistonning oliy ta’lim sohasidagi xalqaro obro‘sining o‘sishini ko‘rsatadi va mamlakatni xalqaro ta’lim markaziga aylantirishda muhim qadam hisoblanadi.