Xorijda vafot etgan o‘zbekistonliklarning jasadini olib kelish uchun firibgarliklar ko‘paymoqda

Ijtimoiy tarmoqlarda xorijda bo‘lib turgan o‘zbekistonliklarning vafot etgan jasadlarini olib kelish uchun turli plastik karta raqamlari orqali pul yig‘ish holatlari ko‘paymoqda. O‘zbekiston Respublikasi Vazirlar Mahkamasi huzuridagi Migratsiya agentligi ushbu holatlar haqida ma’lumot berdi.

Agentlikning ta’kidlashicha, ayrim shaxslar eski va noto‘g‘ri ma’lumotlardan foydalanib, odamlarning his-tuyg‘ularini manfaatlari uchun ishga solmoqda. Bu turdagi firibgarliklar jamiyatda ishonchsizlik va chalg‘itishga olib kelayotgani aytilgan.

Migratsiya agentligi fuqarolarni ijtimoiy tarmoqlarda tarqalgan bunday yolg‘on xabarlarga ishonmaslikka va har qanday holatda pul o‘tkazmaslikka chaqirdi. Qonuniy va ishonchli yo‘l sifatida esa faqat rasmiy davlat organlariga murojaat qilish tavsiya etildi.

Agentlik shundan tashqari, agar O‘zbekiston fuqarosi xorijda vafot etsa, uning jasadini Vatanga olib kelish Migratsiya jamg‘armasi mablag‘lari hisobidan amalga oshiriladi. Bu uchun marhumning yaqinlari yoki vakillari Migratsiya agentligiga bevosita murojaat qilishlari kerak.

Migratsiya agentligi aholiga faqat rasmiy organlarga ishonchi bo‘lishiga chaqirdi va soxta xayriya e’lonlaridan ogoh bo‘lishni ta’minlashga harakat qilmoqda.