Milliy statistika qo‘mitasi fevral oyi uchun navbatdagi palov indeksini taqdim etdi. Ushbu tahlil mamlakatimiz hududlarida milliy taomimiz bo‘lgan palovni tayyorlash uchun ishlatiladigan asosiy mahsulotlarning o‘rtacha narxlarini o‘z ichiga oladi. Statistika ma’lumotlariga ko‘ra, palov narxi hududlarning iqtisodiy holati va mahsulotlar ta’minotiga qarab turlicha shakllanmoqda.
- Toshkent shahri — 118 381 so‘m.
- Qoraqalpog‘iston Respublikasi — 98 927 so‘m;
- Andijon viloyati — 106 984 so‘m;
- Buxoro viloyati — 109 455 so‘m;
- Jizzax viloyati — 110 160 so‘m;
- Qashqadaryo viloyati — 112 980 so‘m;
- Navoiy viloyati — 111 508 so‘m;
- Namangan viloyati — 109 704 so‘m;
- Samarqand viloyati — 114 383 so‘m;
- Surxondaryo viloyati — 112 292 so‘m;
- Sirdaryo viloyati — 105 337 so‘m;
- Toshkent viloyati — 113 602 so‘m;
- Farg‘ona viloyati — 116 256 so‘m;
- Xorazm viloyati — 108 103 so‘m.
Mutaxassislar palov indeksini hisoblashda go‘sht, guruch, sabzi, piyoz, o‘simlik yog‘i va boshqa qo‘shimcha masalliqlarning bozorlardagi o‘rtacha qiymatini inobatga oladi. Bu ko‘rsatkich aholining xarid qobiliyatini baholash hamda oziq-ovqat xavfsizligini ta’minlashda muhim ahamiyat kasb etadi. O‘tgan davr bilan solishtirganda, ayrim hududlarda narxlar barqarorligicha qolgan bo‘lsa, boshqalarida mavsumiy o‘zgarishlar kuzatilgan.
“Zamin”ni Telegramʻda oʻqing!
