O‘zbekistonda xususiylashtirilgan va bo‘sh turgan 990 ta ob’ekt uchun 16,4 ming yangi ish o‘rni yaratuvchi loyihalar ishlab chiqildi

O‘zbekiston Respublikasi Prezidentining 2017 yil 23 fevralda «Tadbirkorlarning ishlab chiqarish maydonlaridan foydalanishlarini yanada rag‘batlantirish chora-tadbirlari to‘g‘risida»gi Qaroriga muvofiq butun respublikada avval xususiylashtirilgan korxona va ob’ektlar hatlovi tashkil etildi. Bu haqda Davlat raqobat qo‘mitasi hay’atining navbatdagi kengaytirilgan yig‘ilishida ma’lum qilindi, deb yozadi Daryo.uz.

O‘tkazilgan hatlov natijasida bugungi kunga qadar respublika bo‘yicha avval xususiylashtirilgan jami 27 mingdan ziyod ob’ekt ro‘yxati shakllantirilib, ular orasida 2000 dan ortiq bo‘sh turgan ob’ekt aniqlandi.

Hozirda ushbu bo‘sh turgan ob’ektlarning 990 tasining umumiy maydoni 2000 kvadrat metrdan ortiq bo‘lib, ular negizida jami 1,9 trillion so‘m miqdoridagi 16,4 ming yangi ish o‘rni yaratilishini ko‘zda tutuvchi 724 ta manzilli investisiya loyihasi ishlab chiqildi. “Zamin”ni Telegramʻda oʻqing!