O‘zbekistonda 18–20 iyul kunlari harorat 48 darajagacha ko‘tarilishi mumkin
Respublikada 18-20 iyul kunlari janubdan kirib keladigan juda issiq havo oqimi sababli anomal issiq kuzatilishi kutilmoqda. Ushbu davrda mamlakatning ko'plab hududlarida havo harorati 45 darajagacha, janubiy viloyatlar va cho'l hududlarida esa 48 darajagacha ko'tarilishi mumkin. Shuningdek, ayrim joylarda shamol tezligi 13-22 m/s gacha kuchayib, chang-to'zonlar ko'tarilishi ehtimoli bor.
O‘zbekistonda 18–20 iyul kunlari anomal issiq kuzatilishi kutilmoqda. Uzgidromet ma’lumotiga ko‘ra, bunga janubdan juda issiq havo oqimi kirib kelishi sabab bo‘ladi.
Prognozga ko‘ra, ushbu kunlarda mamlakatning ko‘plab hududlarida havo harorati 45 darajagacha ko‘tariladi. Janubiy viloyatlar va cho‘l hududlarida esa harorat 48 darajagacha yetishi mumkin.
Shuningdek, ayrim joylarda shamol kuchayishi prognoz qilinmoqda. Uning tezligi 13–22 m/s gacha yetishi, ba’zi hududlarda chang-to‘zon ko‘tarilishi ehtimoli bor.
Bunday ob-havo sharoitida aholiga kunning eng issiq vaqtida ochiq havoda uzoq qolmaslik, ko‘proq suyuqlik ichish va zaruratsiz safarlarni cheklash tavsiya etiladi.
Izohlar 0
…