Jizzax viloyatida ham sel kuzatildi

Joriy yilning 14 may kuni Jizzax shahri va Sharof Rashidov tumanlari hududida kuchli yog‘ingarchilik kuzatildi, deb xabar bermoqda FVV matbuot xizmati.

Oqibatda «Oqqo‘rg‘onlik», «Tinchlik», «Hamid Olimjon», «Ulug‘bek» hamda «Ziyokor» mahallalarida yomg‘ir suvlari to‘planib, bir necha xonadonga suv kirgan.

Qayd etilishicha, Jizzax viloyati Favqulodda vaziyatlar boshqarmasining 6 ta yong‘in-qutqaruv texnikasi hamda 22 nafar qutqaruvchilari tomonidan xonadon egalariga amaliy yordam ko‘rsatilib, yuzaga kelishi mumkin bo‘lgan suv toshqini hamda boshqa ko‘ngilsiz holatlarning oldi olingan.

Manba: Daryo.uz “Zamin”ni Telegramʻda oʻqing!