Bugundan boshlanayotgan kelajak – Sergelidagi maktablar ta’lim tizimining yangi ramzi

Ta’limga jiddiy e’tibor bermagan, sohani uzluksiz rivojlantirib bormagan biror davlat taraqqiyotga erishmasligi tarixda ham, bugungi kunda ham isbotlangan. O‘zbekistonda ham uzoq yillar murakkab davrni boshdan kechirgan xalq ta’limi tizimiga bugun yangicha nigoh tashlanmoqda va talablar qo‘yilmoqda.

Prezident Shavkat Mirziyoyev Toshkent shahrining Sergeli tumaniga tashrifi doirasida tumandagi 329-maktab o‘qituvchi va o‘quvchilarga yaratilgan sharoitlar bilan ham tanishdi.

Sergeli tumani poytaxtning nisbatan yosh va jadal rivojlanayotgan, hududi hamda qurilishlar ko‘lami muntazam kengayib borayotgan tumani hisoblanadi. Bu ta’lim dargohining foydalanishga topshirilishi bejiz emas – 2017-2019 yillar davomida poytaxtimizning

Sergeli tumanida yangi 392 ta ko‘p qavatli uylar qurilishi natijasida aholi soni 60 mingga oshdi. Tumanga ko‘chib kelgan aholining ta’limga bo‘lgan ehtiyojini ta’minlash maqsadida har biri 1680 o‘quvchiga mo‘ljallangan 4 ta yangi maktab qurilishi amalga oshirildi.

Xalq ta’limi vazirligidan ma’lum qilishlaricha, bu maktablar – so‘nggi yillarda qurilgan eng katta quvvatga ega maktablar hisoblanadi va ularni qurish jarayonida 2019 yilda tashkil etilgan Prezident maktablari tajribasidan foydalanilgan.

Ta’til boshlangunga qadar 329-maktabda shu yaqin atrofda yashovchi 1234 nafar o‘quvchi tahsil oldi, ularga 65 nafar pedagog turli fanlardan bilim berib keldi.














Manba: Kun.uz “Zamin” yangiliklarini “Odnoklassniki”da kuzatib boring