O‘zbekistonda o‘tgan bir sutka ichida yana 181 kishida koronavirus aniqlandi

O‘zbekistonda koronavirusga chalingani rasman tan olinganlar soni 83 050 nafarga yetdi. Sog‘liqni saqlash vazirligi ma’lumotlariga ko‘ra, 31 mart kuni mamlakatning 10 ta hududida jami 181 ta kasallanish holati aniqlangan.

Yangi kasallanish holatlarining:
5 nafari Qoraqalpog‘iston Respublikasida,
1 nafari Andijon viloyatida,
6 nafari Buxoro viloyatida,
6 nafari Jizzax viloyatida,
2 nafari Namangan viloyatida,
11 nafari Samarqand viloyatida,
3 nafari Sirdaryo viloyatida,
2 nafari Surxondaryo viloyatida,
18 nafari Toshkent viloyatida,
127 nafari Toshkent shahrida koronavirusga chalingan bemorlar bilan muloqotda bo‘lgani sabab namuna olingan fuqarolar orasida aniqlangan.
Shuningdek, 1 nafar koronavirusga chalingan bemor vafot etib, kasallikdan vafot etganlar soni 630 nafarga yetdi.

SSVning qo‘shimcha qilishicha, o‘tgan bir sutka davomida Buxoroda 5 kishi, Namanganda 3 kishi, Xorazmda 5 kishi, Toshkent viloyatida 15 kishi, Toshkent shahrida esa 124 kishi, respublika bo‘yicha jami 152 kishi COVID-19 dan tuzalgan. Sog‘ayish ko‘rsatkichi 98 foizni tashkil etmoqda.

Ayni paytda tibbiyot muassasalarida davolanayotgan 1285 nafar bemordan 191 nafari og‘ir, 85 nafari esa o‘ta og‘ir ahvolda.

Eslatib o‘tamiz, 30 mart kuni Samarqand va Toshkent viloyatlari hamda Qoraqalpog‘istonda koronavirusga chalinish bo‘yicha 2021 yil antirekordlari qayd etilgan edi. “Zamin” yangiliklarini “Instagram”da kuzatib boring