Superliganing qoldirilgan 14-turidan o‘rin olgan "Neftchi" - "So‘g‘diyona" (0:3) uchrashuvidan so‘ng mehmonlar bosh murabbiyi Ivan Boshkovich matbuot anjumanida ishtirok etdi.
O‘yin haqida
- Bugungi o‘yinga alohida yondashuv asosida tayyorgarlik ko‘rgandik. Kuchli raqib maydonida oson o‘yin bo‘lmasligi ma’lum edi. Maydon holati ham aytarli darajada yaxshi emasdi. "Neftchi" bilan birinchi davrada to‘qnash keldik, kubokda uchrashdik, jamoaning qanday imkoniyatlari bor ekanini bilardik. Yigitlar xarakter ko‘rsatishdi. Asosiy voqealar, hal qiluvchi epizodlar ikkinchi bo‘limda kechdi. Mezbonlar hisobni tenglashtirish uchun katta kuch bilan oldinga o‘tishdi. Himoyada tartibli harakat qildik. O‘z kuchimizga ishongan holda ikkinchi golni kiritdik. So‘nggi daqiqalarda uchinchi golni ham urganimizdan keyin jamoadagi mehnatlarimiz zoye ketmayotganini tushundim. "Neftchi"ga keyingi o‘yinlarda omad tilayman.
- Bir-ikki soat atrofidagi mashg‘ulot orqali jamoani yangi maydonga qanday moslashtirdingiz?
- Men uchun yoqimli savol bo‘ldi. Bilasizmi, shu maydon bizning "uyimiz". Shu maydon bizning "oilamiz". Shu orqali ishlaymiz, pul topamiz, oila boqamiz va hokazo. Shunday ekan, biz maydonga har doim moslasha olishimiz kerak, axir ishimiz shunaqa.
- Kubokdagi o‘yin va bugungi uchrashuvdagi farqli jihatlarni aytib bersangiz...
- Kubok uchrashuvida ehtiyotkorlik juda yuqori edi. Har ikki jamoada ham vaziyatlar kam bo‘lgandi. Bugun shularning aksi o‘yin bo‘ldi. "Neftchi" ikkinchi qavatda ustunlikka intildi, aytib o‘tganimdek tartibli himoyalandik. Bugungi uchrashuvda o‘tgan o‘yindan farqli ravishda golli vaziyatlar ko‘p bo‘ldi.
- Jamoangiz tarkibida yosh futbolchilar ham ko‘pchilikni tashkil qiladi. Ular siz istagandek o‘ynab bera olishayaptimi?
- Mashg‘ulotlarda barcha birdek ishlaydi. Yoshmi, tajribalimi, futbolchi oldidagi vazifa bir xil. Biz mashg‘ulotlarda ko‘rib chiqib, eng tayyor futbolchilarni maydonga tushiramiz. Bir-ikki yil katta futbolda o‘ynasa, o‘sha futbolchini yosh deb ham bo‘lmaydi, tajribalilar qatoriga kiradi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Turkiya o‘zining birinchi kvant kompyuterini taqdim etdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
