Abduvohid Ne’matov: Qirg‘iziston terma jamoasining kuchli va kuchsiz taraflarini o‘rganib chiqdik

^{Foto: O‘FA}
Futbol bo‘yicha O‘zbekiston terma jamoasi JCH—2026 saralashidan o‘rin olgan Qirg‘izistonga qarshi bahs oldidan mashg‘ulotlar o‘tkazmoqda.

Mashg‘ulot oldidan terma jamoa darvozaboni Abduvohid Ne’matov bo‘lajak raqib haqida o‘z fikrlarini bildirib o‘tdi.

“Xalqimizni o‘tgan o‘yindagi g‘alaba bilan tabriklayman. Qirg‘iziston bilan o‘yinga ham tayyorlanyapmiz. Ularning kuchli va kuchsiz taraflarini o‘rganib, xudo xohlasa uyoqqa, albatta, g‘alaba uchun boramiz.

Albatta, hozir hamma futbol o‘ynashni o‘rgangan. Ularni ham ko‘rdik, kuchli taraflari bor. Endi buyog‘iga o‘yin hal qiladi hammasini”, — deydi Abduvohid Ne’matov.

Eslatib o‘tamiz, O‘zbekiston terma jamoasining Qirg‘izistonga qarshi bahsi 10 sentyabr sanasida bo‘lib o‘tadi. “Zamin” yangiliklarini “Odnoklassniki”da kuzatib boring