Abduqodir Husanov kuchlimi yoki Vitor Reys?

"Manchester Siti" soʻnggi oylardagi qoniqarsiz natijalari sabab, qishki transferlar oynasida Abduqodir Husanov va Vitor Reysni jamoaga jalb qildi. Ushbu ikki fulbekning ustunlik tomonlari bilan batafsil tanishing.

Vitorning paslar aniqligi 56 % boʻlsa, Husanovda bu koʻrsatkich 47.4 % tashkil etmoqda. Uzoq masofaga boʻlgan paslar aniqligi braziliyalik futbolchida 72.5 %, milliy terma jamoamiz a'zosi esa 81.1 % bilan yuqori natijani qayd etgan.

Himoyaviy harakatlar boʻyicha Reys 57.8 %, Abduqodir esa 95.5 % natija koʻrsatgan. Ikkinchi qavatdagi kurashlarda gʻalaba qozonish boʻyicha 19 yoshli himoyachining natijasi 66.8 %, futbolchimizniki esa 81.3 % ni tashkil etadi.

Toʻpni hujumga olib chiqish boʻyicha "Palmeyras" oʻyinchisining koʻrsatkichi 21.7 % boʻlsa, 20 yoshli etakchimiz 29.4 % qayd etgan.

Shu bilan birga, Reys Sofascore portalida oʻrtacha 6.91 ballni qoʻlga kiritgan, "Bunyodkor"ning sobiq himoyachisi esa 7.17 ball toʻplashga muvaffaq boʻlgan.

Hamyurtimiz "shaharliklar" tarkibidagi yosh raqobatchisidan faqatgina paslar aniqligi boʻyicha biroz ortda bormoqda. Qolgan barcha jabhalarda ustunlikka ega.

Ma'lumot oʻrnida, Husanovning Transfermarkt portalidagi narxi 12 million yevro, Vitorniki esa 14 million yevro deb baholanmoqda. “Zamin” yangiliklarini “Telegram”da kuzatib boring