Abduqodir Husanovning transferi qachon e'lon qilinishi oshkor qilindi

"Manchester Siti" klubi qishki transfer oynasining dastlabki ikki transferini e'lon qilishga tayyorlanmoqda.

"Manchester Evening News" jurnalisti Simon Baykovskining xabariga koʻra, "Manchester Siti" Abduqodir Husanov va Vitor Reys bilan shartnomalarni yakuniy bosqichga olib kelmoqda, ikkala oʻyinchining ham keyingi 24 soat ichida jamoaga qoʻshilishi kutilmoqda.

Yosh himoyachilar juftligi darhol mavsumning ikkinchi yarmidagi tarkibga qoʻshiladi. Biroq, ular Chempionlar ligasining birinchi bosqichi uchun roʻyxatga kiritilmaydi, shu bois ularning ilk oʻyini shanba kuni "Chelsi"ga qarshi uyda oʻtkaziladigan uchrashuvda boʻlishi mumkin.

Bundan tashqari klub Frankfurt hujumchisi Umar Marmush uchun 59 million funt sterlinglik shartnomani yakunlash arafasida turibdi. Misrlik futbolchi juma kuni "Borussiya Dortmund"ga qarshi oʻyinda ishtirok etmadi. Biroq, muxlislar bilan xayrlashish uchun maydonga tushdi. “Zamin” yangiliklarini “Telegram”da kuzatib boring