Oʻzbekiston U-20 murabbiyi magʻlubiyatdan keyin qanday fikr bildirdi?

Oʻzbekiston U-20 terma jamoasi chorak finalda Koreya Respublikasiga qarshi dramatik oʻyinda ishtirok etdi. Asosiy va qoʻshimcha vaqt 3:3 hisobida yakunlandi, biroq penaltilar seriyasida yurtdoshlarimiz 3:1 hisobida magʻlubiyatga uchradi.

Oʻyindan keyin jamoa bosh murabbiyi Farhod Nishonov turnirdagi umumiy ishtirokdan mamnun ekanini ta'kidladi.

Murabbiyning fikrlari

Nishonov futbolchilarning jonbozlik koʻrsatganini va oʻyindan oʻyinga oʻsishga erishganini qayd etdi:

"Yakunda natija bizning foydamizga hal boʻlmagan boʻlsa-da, futbolchilarim juda yaxshi oʻyin koʻrsatdi. Biz penaltilardan foydalanishni koʻp marotaba mashq qilgandik, lekin ba'zida futbol shunday – hammasi sen xohlaganingdek boʻlavermaydi."

Shuningdek, murabbiy agar bu bosqichdan oʻtganlarida, chempionlik uchun yaxshi imkoniyatlari borligini qoʻshimcha qildi:

"Agar bu oʻyinda gʻalaba qozonganimizda, balki yana chempion boʻlishimiz mumkin edi. Umuman olganda, men bu erda oʻtkazgan toʻrtta oʻyinimizdan juda mamnunman."

Oʻzbekistonning chempionlik yoʻlidagi harakatlari

Oʻzbekiston U-20 terma jamoasi ushbu turnirda kuchli raqiblarga qarshi munosib oʻyinlar namoyish etdi. Jamoa turnir davomida taktik jihatdan mustahkam va jismoniy tayyorgarligi yuqori ekanini koʻrsatdi.

Shu bois, har qancha afsusli boʻlmasin, bu magʻlubiyat jamoaning salohiyatini pasaytirmaydi. Oʻzbek yoshlari uchun bu katta tajriba va kelgusi musobaqalardagi muvaffaqiyatli ishtirok uchun poydevor boʻladi. “Zamin” yangiliklarini “Telegram”da kuzatib boring