Kuz fasli UFC muxlislari uchun haqiqiy adrenalin mavsumiga aylanmoqda. Oktabr va noyabr oylarida oktagonda katta ismlar va tajribali jangchilar to‘qnashuviga boy bo‘ladi. Yaqin ikki haftada jang san’ati olamida shov-shuvli to‘qnashuvlar kutilmoqda.
18 oktabr — “UFC Vancouver”
Bu kecha Renye de Ridder va Brendan Allen bahsi bilan boshlanadi. Shuningdek, Kevin Holland va Melott Mayk o‘rtasidagi jang ham juda qiziq bo‘lishi kutilmoqda. Vera va Zahabi bahsi esa turnirning eng kutilgan voqealaridan biri bo‘ladi.
Renye de Ridder – Brendan Allen
Kevin Holland – Melott Mayk
Marlon Vera – Ayman Zahabi
25 oktabr — “UFC 321”
Yilning eng kuchli turnirlaridan biri sanaladi. Tom Aspinall Siril Ganga qarshi oktagonga chiqadi — bu og‘ir vazndagi haqiqiy super to‘qnashuv bo‘ladi. Shuningdek, Virna Yandiroba Makkenzi Dern bilan kuch sinashadi, Aleksandr Volkov esa Jailton Almeidaga qarshi ringga chiqadi. Yosh Umar Nurmagomedovning Mario Bautistaga qarshi bahsi ham katta qiziqish uyg‘otmoqda.
Tom Aspinall – Siril Gan
Virna Yandiroba – Makkenzi Dern
Aleksandr Volkov – Jailton Almejda
Aleksandr Rakich – Azamat Murzakanov
Umar Nurmagomedov – Mario Bautista
1 noyabr — “UFC Vegas 110”
Bu kecha nisbatan yangi jangchilar uchun imkoniyat bo‘ladi. Stiv Garsiya Devil Onamaga qarshi, Kortes-Akosta esa Ante Deliya bilan kuch sinashadi. Har ikki jangchi uchun g‘alaba ularning karerasida yangi bosqich bo‘lishi mumkin.
Stiv Garsiya – Devil Onama
Kortes-Akosta – Ante Deliya
8 noyabr — “UFC Vegas 111”
Gabriel Bonfim va Rendi Braun bahsi UFC’ning o‘rta vazndagi eng qiziqarli janglaridan biri sifatida qayd etilmoqda. Shuningdek, Riki Simon va Raoni Barselos janglari ham muxlislarni befarq qoldirmaydi. Darya Jeleznyakova va Luana Santos bahsi esa ayollar toifasidagi eng kutilgan duellardan biri bo‘ladi.
Gabriel Bonfim – Rendi Braun
Riki Simon – Raoni Barselos
Darya Jeleznyakova – Luana Santos
UFC’ning kuzgi jadvali nafaqat yangi chempionlar, balki yangi yulduzlar paydo bo‘lishiga ham sabab bo‘ladi. Oktagonda ehtiros, jang va iroda birlashadigan bu kechalar muxlislar uchun uzoq vaqt esda qoladigan sport festivali bo‘lishi shubhasiz.
“Zamin”ni Telegramʻda oʻqing!
