Londonning "Arsenal" klubi Liga kubogi doirasida "Brayton"ni o'z maydonida 2:0 hisobida mag'lub etib, g'alabali seriyasini davom ettirdi. Mikel Arteta jamoasi g'alabani 57-daqiqada Itan Nvaneri va 78-daqiqada Bukayo Sakaning aniq zarbalari evaziga qo'lga kiritdi.
Opta maʼlumotlariga ko'ra, "Arsenal" Angliyaning oliy divizioni tarixida bir oy davomida oltita o'yinda "quruq" hisobda g'alaba qozongan birinchi jamoa bo'ldi. Bungacha "to'pchilar" "Kristal Pelas"ni (APL, 1:0), Madridning "Atletiko"sini (Chempionlar ligasi, 4:0), "Fulxem"ni (APL, 1:0), "Vest Xem"ni (APL, 2:0) va "Olimpiakos"ni (Chempionlar ligasi, 2:0) mag'lub etgan edi.
London grandi uchun keyingi raqib Angliya chempionati doirasida "Byornli" bo'ladi. Uchrashuv noyabr oyining birinchi kunida o'tkaziladi.
