Qatar mezbonligida o‘tayotgan 17 yoshgacha bo‘lgan futbolchilar o‘rtasidagi jahon chempionatida nimchorak final bosqichi to‘liq yakunlandi. Afsuski, O‘zbekiston U-17 terma jamoasi Italiyaga qarshi keskin ruhda kechgan o‘yinda 2:3 hisobida imkoniyatni boy berdi va musobaqani tark etishga majbur bo‘ldi. Jamoamiz oxirgi daqiqalargacha kurash olib bordi, biroq raqib qarshiligini yo‘qqa chiqara olmadi.
Ushbu bosqich natijalariga ko‘ra, chorak final bosqichida to‘qnash keladigan juftliklar ham ma’lum bo‘ldi. Turnirning hal qiluvchi pallasida har bir jamoa uchun bitta xato ham juda qimmatga tushadi, shu bois kutilmagan natijalar ehtimoli yanada yuqori.
Chorak final juftliklari quyidagicha shakllandi:
- Avstriya U-17 — Yaponiya U-17
- Italiya U-17 — Burkina Faso U-17
- Portugaliya U-17 — Shveysariya U-17
- Marokash U-17 — Braziliya U-17
Musobaqa tashkilotchilari ma’lumotiga ko‘ra, chorak finalning barcha uchrashuvlari 21-noyabr kuni o‘tkaziladi. Demak, yoshlar o‘rtasidagi mundialda eng kuchli to‘rt jamoa nomi aynan shu kunda ma’lum bo‘ladi.
Yigitlarimiz musobaqani tark etgan bo‘lsalar-da, ularning kurashuvchanligi, iroda va xarakteri muxlislar qalbida alohida o‘rin egalladi. Endilikda eng yaxshi jamoalar o‘rtasida jiddiy kurashlar boshlanadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
