“Globe Soccer Awards” tomonidan taqdim etiladigan “Yilning eng yaxshi futbolchisi” mukofoti uchun 2025 yilgi nomzodlar ro‘yxati ochiqlandi. Bu yil ham dunyo futbolidagi eng yorqin yulduzlar orasida qattiq raqobat kutilmoqda. Ro‘yxatda Yevropaning yetakchi klublaridan bir qator yulduzlar joy oldi va ularning har biri o‘tgan mavsumdagi ta’sirli o‘yini bilan e’tibor qozongan.
PSJ jamoasi bu safar ham nomzodlar soni bo‘yicha peshqadamlar qatorida. Usman Dembele, Dezire Due, Ashraf Xakimi, Xvicha Kvaratsxeliya, Nunu Mendesh, Fabian Ruis va Vitinya kabi yetakchilarning bir vaqtda ro‘yxatga kirishi Parij klubining mavsumdagi yuqori dinamikasidan dalolat beradi.
Angliya grandi “Manchester Siti”dan Erling Xoland va Janluidji Donnarumma nomzod sifatida ko‘rsatilgan. Ayniqsa, Xolandning o‘tgan mavsumdagi gol mashinasini eslatuvchi raqamlari uni asosiy favoritlardan biriga aylantiradi.
“Arsenal”dan Viktor Dyokeresh va Deklan Rays, “Liverpul”dan esa Aleksander Isak, Florian Virs va Muxammad Saloh ro‘yxatga kiritildi. Salohning yoshi kattaroq bo‘lishiga qaramay, barqaror o‘yini va goleodorlik mahorati uni yana bir bor e’tirof ettirdi.
Madridning nufuzli “Real” klubi ham ikki yulduz bilan qatnashmoqda — Vinisius Junior va Kilian Mbappe. Ayni shu ikkala futbolchi 2025 yilgi oliy mukofot uchun asosiy da’vogarlar sifatida ko‘rilayapti. Vinisius o‘tgan yili ushbu sovrinni qo‘lga kiritgan edi.
“Bavariya”dan Xarri Keyn va Maykl Olise, “Barselona”dan Robert Levandovski, Rafinya Dias, Lamin Yamal va Pedri nomzodlar ro‘yxatini yanada kuchaytirdi. Yamalning sharhlovchilar tomonidan “erta porlayotgan istiqbol” sifatida tilga olinishi ham diqqatga sazovor.
Shuningdek, “Inter”dan Lautaro Martines, “Napoli”dan Skott Maktominey va “Chelsi”ning yosh yulduzi Koul Palmer ham ro‘yxatga kiritilgan.
Eng kutilmagan holatlardan biri — ushbu mukofotni olti marta yutib, absolyut rekord o‘rnatgan Krishtianu Ronalduning bu yil nomzodlar qatoriga qo‘shilmaganidir. “Al Nassr” safidagi barqaror o‘yiniga qaramay, mukofot tashkilotchilari bu yil unga ovoz beruvchilarni hayratdan qoldirdi.
Yilning eng yaxshi futbolchisi nomi an’anaviy tarzda yil oxirida e’lon qilinadi. Muxlislar esa bu safar kim sovrinni qo‘lga kiritishi borasida qizg‘in muhokamani boshlab yuborgan ham.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
