Nedved: Irlandiya - juda qaysar jamoa

Chexiya terma jamoasining sobiq futbolchisi Pavel Nedved Jahon chempionati saralash pley-off bosqichida boʻlib oʻtadigan oʻyinlar haqida fikr bildirdi. Mart oyida oʻtkaziladigan yarim finalda Chexiya Irlandiyaga qarshi maydonga tushadi.

"Bizga Irlandiya raqib boʻldi. Ular hozirda, ehtimol, oʻzining eng yaxshi sport formasida.

Ular Portugaliyani magʻlub etishdi, Vengriyada gʻalaba qozonib, keyingi bosqichga oʻtishdi. Muhimi, biz oʻz uyimizda oʻynaymiz.

Irlandiya - juda qaysar jamoa, ular ajoyib himoyalanishadi va kuchli ruhiy barqarorlikka ega. Agar biz Jahon chempionatiga chiqmoqchi boʻlsak, bu istakda ulardan koʻra koʻproq boʻlishimiz kerak.

Har doim oyoqlardan koʻra koʻproq bosh bilan oʻynash muhim. Men buni 20 yil oldin oʻzim boshdan kechirganman", - dedi Nedved Chexiya futbol federatsiyasi rasmiy saytiga bergan intervyusida.

Chexiya va Irlandiya oʻrtasidagi gʻolib finalda Daniya yoki Shimoliy Makedoniyaga qarshi oʻynaydi. “Zamin”ni Telegramʻda oʻqing!