«Manchester Siti»ning yosh va istiqbolli futbolchilaridan biri Divayn Mukasa jamoadoshi Abduqodir Husanovning so‘nggi o‘yindagi harakatlariga yuqori baho berdi. Uning so‘zlariga ko‘ra, o‘zbekistonlik himoyachi maydonda raqiblar uchun haqiqiy to‘siqqa aylangan.
City Studios’ga bergan intervyusida Mukasa Husanovning jismoniy tayyorgarligi va o‘yinni o‘qish qobiliyatini alohida ta’kidladi. Uning aytishicha, Abduqodirni yakkakurashlarda ortda qoldirish deyarli imkonsiz.
— Husanovdan o‘tib ketish juda mushkul. U juda tez, harakatchan va har doim to‘g‘ri joyda bo‘ladi. «Brentford»ning deyarli barcha xavfli hujumlarini o‘qib, o‘z vaqtida to‘xtatdi. Golga tortadigan vaziyatlarni yo‘qqa chiqardi. Shuning uchun u albatta alohida e’tirofga loyiq, — dedi Mukasa.
Aytish joizki, mazkur bahs Angliya Liga kubogining chorak finali doirasida bo‘lib o‘tdi. Unda «Manchester Siti» «Brentford» ustidan ishonchli g‘alaba qozonib, keyingi bosqichga chiqdi. Bu uchrashuvda Husanov to‘liq harakat qilib, himoyada barqarorlik va ishonch namoyon etdi.
Xosep Gvardiola shogirdlari uchun bu natija juda muhim bo‘ldi. Endi «shaharliklar» Liga kubogi yarim finalida «Nyukasl» jamoasiga qarshi maydonga tushadi. Muxlislar esa Husanovning himoyadagi ishonchli o‘yini hal qiluvchi ahamiyat kasb etishiga ishonmoqda.
Qisqasi, jamoa ichida ham, muxlislar orasida ham Abduqodir Husanovga bo‘lgan ishonch oshib bormoqda. Bu esa uning «Siti»dagi o‘rni tobora mustahkamlanib borayotganidan darak.
Endi "Manchester Siti" Liga kubogining yarim finalida "Nyukasl"ga qarshi bahs olib boradi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
