Mareska ketsa, Chelsi Roseneorni murabbiy etib ko'rishi mumkin

Chelsi rahbariyati Strasburg bosh murabbiyi Layam Roseneorning ishini diqqat bilan kuzatmoqda va uning professional sifatlarini yuqori baholamoqda. Insayder Fabritsio Romano xabariga ko'ra, londonlik klubda murabbiylar shtabiga oid ehtimoliy ssenariylar muhokama qilinganda Roseneor nomi “ko'klar” rahbarlari e'tibor markazida turibdi.

Shu bilan birga, jurnalist hozircha Enso Mareskaning ketishi haqida gap yo'qligini ta'kidladi: Chelsi yangi murabbiy izlash bo'yicha faol ish boshlamagan. Roseneor 2024 yildan beri Strasburgni boshqarib keladi.

O'tgan mavsumda jamoa Fransiya chempionatida 7-o'rinni egallagan, joriy mavsumda esa 16 turdan so'ng ham ayni pog'onada bormoqda. “Zamin”ni Telegramʻda oʻqing!