Madridning «Real» klubida bosim yana maksimumga chiqdi: rahbariyat bosh murabbiy Alvaro Arbeloa loyihaga to‘g‘ri kelmasa, tez orada u bilan xayrlashishdan tortinmasligi aytilmoqda. Kubokdagi alamli mag‘lubiyatdan keyin ham klub ichida “yana bitta o‘yin imkonini berib ko‘ramiz, keyin qaror” degan kayfiyat ustun ekani bildirilgan.
Arbeloa uchun debyut o‘yini juda og‘ir kechdi: «Real» Ispaniya Kubogining 1/8 finalida «Albasete»ga 2:3 hisobida sensatsion tarzda mag‘lub bo‘lib, musobaqa bilan erta xayrlashgan. Shu o‘yin Arbeloa uchun birinchi jiddiy imtihon edi, ammo natija muxlislarga ham, klub rahbariyatiga ham og‘ir ta’sir qildi.
Eslatib o‘tamiz, Arbeloa bundan oldin o‘z vatandoshi Xabi Alonsoning o‘rnini egallagan edi. Endi esa “qirollik klubi”ni navbatdagi sinov kutib turibdi — Ispaniya chempionati doirasida «Levante»ga qarshi bahs.
Ma’lumotlarga ko‘ra, «Real» — «Levante» uchrashuvi 17 yanvar kuni «Santyago Bernabeu»da bo‘lib o‘tadi. Shu o‘yin Arbeloa taqdiri uchun hal qiluvchi nuqtaga aylanishi mumkin: agar natija ham, o‘yin ham qoniqtirmasa, klub “uzoq kutmaydi” degan gaplar bekor emas.
Qisqasi, Arbeloa uchun vaziyat oddiy: bu yerda “moslashib olay” degan rejim yo‘q. «Real»da vaqt tez yuradi — ayniqsa mag‘lubiyatdan keyin. Endi muxlislar kutyapti: jamoa «Levante»ga qarshi o‘yinda reaksiya qiladimi yoki muammolar yana ham ko‘zga qattiqroq tashlanadimi?
“Zamin”ni Telegramʻda oʻqing!
