Vinisiusning kelajagi hanuz muhokamada: braziliyalik hujumchining «Real» bilan amaldagi shartnomasi tugashiga bir yarim yildan ham kam vaqt qolgan. Madrid klubida 25 yoshli futbolchining maosh bo'yicha talablari haddan tashqari yuqori, degan gaplar bor. Bu haqda euro-football.ru xabar beradi.
Agar Vinisius «Real» bilan kelisha olmasa, yangi jamoa topishda qiynalmasligi aytilmoqda. El Nacional xabariga ko'ra, PSJ prezidenti Nasser Al-Xelayfi uni Parij klubida ko'rishni xohlaydi. Bosh murabbiy Luis Enrike bu transferga nisbatan shubha bilan qarayotgani ta'kidlanadi, ammo Al-Xelayfi buni juda foydali kelishuv deb hisoblamoqda.
Manbaga ko'ra, ushbu qiziqish ortida «Real»dan o'ch olish motivi ham bo'lishi mumkin. Ehtimol, bu Kilian Mbappening erkin agent sifatida Madridga ketganiga javob sifatida talqin qilinmoqda. PSJ Vinisiusni, albatta, tekinga olmaydi, biroq uni maqbul summa evaziga qo'lga kiritishni ko'zlamoqda.
Avvalroq Vinisius «Real»ga ultimatum qo'ygani haqida ham xabarlar tarqalgan edi.
“Zamin”ni Telegramʻda oʻqing!
