Turkiya Superligasi 19-tur doirasida "Bashakshehir" o‘z maydonida "Rizespor"ni qabul qilyapti. Uchrashuv hozircha juda shiddatli o‘tyapti: tanaffusga jamoalar 1:1 hisobida yo‘l oldi.
Bahsni asosiy tarkibda boshlagan hamyurtimiz Eldor Shomurodov 19-daqiqada raqib darvozasini ishg‘ol qilib, hisobni ochdi. Gol epizodida pas muallifi sifatida Kristofer Operi qayd etilgan. O‘yinning birinchi bo‘limi yakunlanishi arafasida esa Taha Shahin 45+1-daqiqada javob golini urib, hisobni tenglashtirdi.
Bu o‘yinda Abbosbek Fayzullayev ham maydonga birinchi daqiqalardan tushdi — demak, muxlislarimiz uchun “ikki tomonlama” qiziq bellashuv ketyapti: ham natija, ham legionerlarimizning o‘yini.
Turkiya Superligasi. 19-tur
«Bashakshehir» — «Rizespor» — 1:1 (tanaffus)
31 yanvar, «Fotih Terim» stadioni
«Bashakshehir»ning tarkibi
"Bashakshehir" — 16.Muhammad Shengezer, 3.Jerom Opoku, 5.Leonardo Duarte, 21.Kristofer Operi, 42.Omer Ali Shahiner (c), 8.Olive Kemen, 11.Abbosbek Fayzullayev, 14.Eldor Shomurodov, 20.Umut Gunesh, 25.Amin Arit, 9.Devi Zelke.
Zaxira: 2.Berat Ozdemir, 4.Onur Ergun, 6.Onur Bulut, 10.Nunu Da Koshta, 15.H.Gureler, 18.Yakub Kaluzinski, 27.Usseynu Ba, 77.Ivan Brnich, 80.Dogan Alamdar, 91.Bertug Yildirim.
Qisqasi, o‘yin “bir gol urdim — o‘tirib oldim” janri emas: birinchi bo‘limning o‘ziyoq ko‘rsatdi — bu yerda har daqiqaga narx bor. Endi ikkinchi taymda hamyurtimiz yana bir marta sahnaga chiqadimi — ana shu savol hammani ekranga “yopishtirib” qo‘yyapti.
“Zamin”ni Telegramʻda oʻqing!
