Xabaringiz bor, 14 iyun kuni Oq Uyda UFC tarixidagi eng katta va eng ramziy turnirlardan biri bo‘lib o‘tishi kutilmoqda. Endi esa bu kechaning qay darajada “portlash” bo‘lishi aniqlashdi: promoushen rahbari Dana Uayt rasman kardni e’lon qildi.
Eng katta diqqat, tabiiyki, asosiy janglarga qaratilgan. Chunki afishada ham kuch, ham nom, ham intriga bor: har bir juftlikda alohida drama, alohida xarakter, alohida “o‘t” turadi. Bu turnir — oddiy kecha emas, Oq Uy maydonida bo‘ladigani uchun ham UFC uni maksimal darajada shov-shuvli, tomoshabop kard bilan to‘ldirgani sezilib turibdi.
Quyida Dana Uayt e’lon qilgan juftliklar:
- Aleks Perreyra – Siril Gan
- Iliya Topuriya – Jastin Getji
- Shon O’Melli – Ayman Zaxabi
- Maurisio Ruffi – Maykl Chendler
- Bo Nikal – Kayl Dokas
- Diyego Lopes – Stiv Garsiya
Ma’lum qilinishicha, janglar O‘zbekiston vaqti bilan 14 iyun kuni soat 06:00 da start oladi. Demak, muxlislar uchun bu “ertalabki” adrenalin: kimdir uyqudan turib tomosha qiladi, kimdir umuman uxlamay chiqadi — chunki kard shunga arziydiganga o‘xshaydi.
Qisqasi, Oq Uydagi UFC kechasi oldindanoq tarixiy tus olyapti: nomlar katta, to‘qnashuvlar qattiq, intriga esa maksimum. Endi navbat — jangchilarda: gapni oktagonda aytishadi.
“Zamin”ni Telegramʻda oʻqing!
