Superliganing 7-turi doirasida o‘tkazilgan “Dinamo” — “Lokomotiv” uchrashuvi muxlislar uchun qiziqarli va kurashlarga boy tarzda yakunlandi. Unda mehmon jamoa 2:1 hisobida g‘alaba qozonib, muhim uch ochkoga ega bo‘ldi.
O‘yinning birinchi qismida “Lokomotiv” faol harakat qilib, 34-daqiqada hisobni ochdi. Jamoa hujumchisi Temurxo‘ja Abduxoliqov aniq zarbasi bilan raqib darvozasini ishg‘ol etib, jamoasini oldinga olib chiqdi.
Oradan ko‘p o‘tmay, 40-daqiqada u yana bir bor o‘zini namoyon qildi. Bilol To‘pliyevning aniq uzatmasidan so‘ng Abduxoliqov ikkinchi golni ham kiritib, dubl muallifiga aylandi va hisobni 2:0 ko‘rinishiga keltirdi.
Ikkinchi bo‘limda “Dinamo” o‘yinga qaytishga harakat qildi va 61-daqiqada farqni qisqartirdi. Jahongir Abdusalomovning uzatmasidan so‘ng Azizbek Amonov gol urib, tablodagi vaziyatni 2:1 ga keltirdi.
Shundan so‘ng uchrashuvda keskin kurash davom etdi, har ikki jamoa ham vaziyatlar yaratishga urinib ko‘rdi, biroq hisob o‘zgarmadi.
Shu tariqa bahs 2:1 hisobida “Lokomotiv” foydasiga yakunlandi.
Superliga. 7-tur
Dinamo — Lokomotiv 1:2
Gollar: Azizbek Amonov 61 — Temurxo‘ja Abduxoliqov 34, 40.
Dinamo: Edem Nemanov, Nurillo To‘xtasinov, Mahamadu Dembele, Jahongir O‘rozov, Sanjar Qodirqulov, Anvarjon Xojimirzayev (Xislat Jalilov, 64), Dramane Salou (Firdavs Abdurahmonov, 46), Mauro Brasil (Jaloliddin Jumaboyev, 46), Jahongir Abdusalomov, Behruz Oblaqulov (Azizbek Amonov, 46), Til Mavretich (Rasul Yo‘ldoshev, 46).
Lokomotiv: Aleksey Kozlov, Anzur Ismoilov, Bilol To‘pliyev (Shodiyor Shodiboyev, 76), Suhrob Nurulloyev (Yovan Nishich, 65), Temurxo‘ja Abduxoliqov (Muhriddin Zoirov, 88), Nikolay Ivanov, Aleksandr Sushnar, Oleksandr Kucherenko, Shuhrat Muhammadiyev (Sunnatilla Poyonov, 76), Oleg Zoteev, Muhammadali Reimov (Nurlan Ibragimov, 65).
Ogohlantirishlar: Dramane Salou, 21; Suhrob Nurulloyev, 25; Aleksey Kozlov, 69; Firdavs Abdurahmonov, 69; Yovan Nishich, 72; Bilol To‘pliyev, 76.
Chetlatish: Firdavs Abdurahmonov, 90+3.
Natijadan so‘ng mehmonlar ochkolarini 11 taga yetkazib, turnir jadvalida 6-o‘ringa ko‘tarildi. “Dinamo” esa 7 ochko bilan 10-pozitsiyada qolib ketdi.
Umuman olganda, o‘yinda Abduxoliqovning dubli hal qiluvchi omil bo‘lib, jamoasiga muhim g‘alabani taʼminlab berdi.
“Zamin”ni Telegramʻda oʻqing!
